مدد مدد .. مدد مدد
وشدى حيلك يا بلد
ان كان فى أرضك مات شهيد
فيه ألف غيره بيتولد
بكره الوليد, جاى من بعيد
راكب خيول, فجره الجديد
يا بلدنا قومى وأحضنيه
ده معاه بشاير ألف عيد
قومى أنطقى, وسيبك بقا
من نومك جوا فى شرنقة
ده النصر محتاج للجلد
مدد مدد .. مدد مدد
لو كان فى قلبك شئ قوليه
الحزن هيفيدك بأيه
يا سكة مفروشة بأمل
مشوارنا حطوا العزم فيه
يا بلدنا سيبك من الدموع
قومى أقلعى توب الخضوع
ده الحق لسه بيتجلد
مدد مدد .. مدد مدد
كلمات رائعة للشاعر( ابراهيم رضوان), لحن وغناء المطرب المثقف (محمد نوح), عثرت عليها مؤخرا فى عمود الشاعرة المميزة (فاطمة ناعوت) بالمصرى اليوم.
من المؤسف ان هذه الأغنية -الأيقونة- الجميلة لم تسجل, الا فى نسخة يتيمة لدار الكتب, بحسب كلام (محمد نوح) لكاتبة المقال, بل ان محمد نوح نفسه سجن بسببها فى سجن القلعة.
عام 68 رفضت الاذاعة المصرية اذاعتها, وعوقب محمد نوح بسببها, ومن الطريف ان الشيوعيين اتهموم بأنه من الأخوان لأنه يقول مدد مدد, بينما أتهمه الأخوان بأنه شيوعى يحض على النضال والثورة. وهو ما يبين لنا الى آى مدى وصلت السطحية فى بلادنا.
الشكر, كل الشكر لفاطمة ناعوت التى وثقتها فى مقالها, مما أتاح لى نقلها هنا, بعد ان كنت لا أعرف منها الا مطلعها. فى نهاية المقال تدعونا الشاعرة, ان نهتف بصوت قوامه ثمانون مليون حنجرة: شــدى حيلك يا بــلد.
34 التعليقات:
وهل يجدي الهتاف"شيدي حيلك يابلد"
وقد اصم الجميع اذانهم
لابد ان تنتاب البلد صحوه من الجميع
المثقفين والعامة
الناس في الشارع
كله لازم يتغير
ربنا يكرمك
سلام
بحبها الاغنيه دى مع احترامى لمحمد نوح انا مبحبوش دمه تقيل بس اعتقد لو حد غناها غيره هتحس بيها اكتر
جميل
لانى اول مرة فعلا اقراها وماسمعتش منها غير مطلعها بس
تحياتى
كان غرنا اشطر
عارف الانفجار اللي هيحصل ده للاسف هيحصل بيينا وبين بعضنا
احنا هنفرقع في وش بعض مش في وش النظام
وبكره هتشوف بنفسك
هندبح في بعض ومش هنرحم بعض
لا هنفرق بين نظام ولا غيره
الطوفان هيبقي علي الكل
وهتبي ههزله القرن الواحد والعشرين
ياخوفي من بكره
وردة
احيانا يجدى الهتاف ولو لشحذ الهمم, وكلنا بحاجة لهذه الصحوة يا عزيزتى, حتى يحدث التغيير
ربنا يكرمك دوما
آبى
أخشى أننى أشاطرك الرآى نفسه يا عزيزتى
شكرا لمرورك
رؤية
آى خدمة, عدى الجمايل
نورتينى
د/ ليكتر
صديقى, كوننا مهزلة القرن العشرين, فهذه حقيقة مقررة علينا
وكون مجتمعنا سينفجر او انفجر فى بعضه, فلن يحدث, لأنه يحدث بالفعل منذ زمن
اما انفجار الناس باتجاه النظام, فمازلت حائرا اذا كان سيحدث ام لا
تحياتى
هي الرقابة كانت مانعاها؟؟
يخرب بيت التخلف اللي احنا فيه
يعني أغنية زي دي متخانقين شيوعية ولا اخوان
توب علينا يا رب
:)
تحياتي
واحنا سطحييييييين كدة من زمان
مدد مدد مدد
قصيدة جميلة ، فيها شيء من الهتاف لكنه هتاف للحياة والحرية والكرامة
كان اتجاها قوميا، لشحذ الهمم ، ربما لا نحتاج إلى مثل هذه الكلمات اليوم ، ربما غيرت الاحداث تركيبتنا السيكولوجية ، فأصبحنا نحتاج لأكثر من كلمات حماسية لنستفيق ، ربما نحتاج لثورة حقيقية حتى نشعر بالارض تحت اقدامنا ، فلا نغوص مثقال بوصة لاسفل
البلد حيلها انقطع
تحياتي واحترامي لفكرك
micheal
توب علينا يا رب فعلا من الجهلة, للأسف يا صديقى هذه هى حقيقة من يدعون انهم مثقفين
تحياتى
أحمد
هى دى الحقيقة المرة, اللى مكنتش عايزك تعرفها
تحياتى
أبو على
حسك الشعرى عالى, لقد نفذت الى روح القصيدة
تقبل تحياتى
حاول تفتكرنى
تحليلك ممتاز يا صديقى, فبعض انواع الأدب لا تصلح لكل زمان ومكان
وأويدك فى ان البلد حيلها اتقطع
تحياتى
هم كل اللى بيقولوا كلام مهم بيتسجنوا على طول....فاكر سيد درويش؟؟
عبقرى فعلا
مستنية مشاركاتك فى المجلة على فكرة
سلام
السلام عليكم
استاذ حازم انا خايف عليك
من الطوب اللي انا بتحدفه علي الناس الغلابه اللي في الصوره بتاعة البوست
بتاعك خف شويه*
كلمات جميله عايزه ناس تكون بتسمع
بتسمععععععععع
سسسسسسامعننننننننننننن
مع تمنياتي لك بدوام الصحه والسعاده
السلام عليكم ورحمة الله وبركاته
أذيك يا استاذ حازم
تقبل مرورى الاول وليس الاخير ان شاء الله
واشكرك كل الشكر على مرورك الكريم لمدونتى
وبصراحه قصيده روعه
بس ليه الاهمال ده
المفروض يكون مكانها فوق زى اللى بنشوفه
تقبل تحياتى
السلام عليكم ورحمته وبركاته
أحلى ما فى تلك الكلمات(الأمل)
ان كان فى أرضك مات شهيد
فيه ألف غيره بيتولد
بكره الوليد, جاى من بعيد
راكب خيول, فجره الجديد
--------
وفعلاً لم نسمعها منذ زمن
فهل مفيش أمل .. لا فيه لسه أمل
وتقبل تحيتى ومرورى
ودمت فى أمان الله وحفظه
انجى
المبدعون الحقيقيون دوما ما يواجهون النظام لذا يكثر حبسهم
بالنسبة لموضوع المشاركات ده, شكلى كده دبست نفسى ههههههههههه
تحياتى
محمد فارس
انا بحدف طوب على اللى يستاهل الحدف وبس, والصورة فى النهاية مجازية, والا انت مش معايا
ويا ريت الناس فعلا تسمع
تحياتى
عاشقة الأحزان
الأنظمة القمعية, التى تمجد الحاكم, تعارض آى ادب هادف, لذا فأغنية مثل هذه يريدون لها الحرق لا الحفظ
نورتى المدونة
واحد من العمال
نورت المدونة, ومعاك ان لسه فيه امل وسعيد بزيارتك وأرجو تكرارها
للاسف هذه الااغنية الرائعة تحولت لهتاف في مباريات كرة القدم فقط لا غير
وكان الوطن لا يخرج من ارض الملعب والوطنية لا تزيد عن 90 دقيقة
تحياتي
على فكره
الاغنيه دى حلوه جدا
على ما اعتقد كانت فى فيلم من افلامه
كنت بحبهاقوووى
حلوة قوي الأغنية دي
مش عايزين نطيح في طموحنا إن ال 80 مليون يهتفوا العبارة دي، بس على الأقل يسمعوها.. و يفهموها.
انا حر
هذا ما يحدث للأسف يا صديقى, حين يفتقد المواطنيين للمشروع القومى الذى يجمعهم على هدف واحد, فلا عجب ان يختزل الوطن فى فريق كرة وملعب
تحياتى
الفراشة الصغيرة
فعلا, انا اتذكر غناء محمد نوح لها فى احد الافلام التى لم تعد تعرض, وهى فعلا اغنية جميلة وموحية جدا
تحياتى
سول
معك حق, فى ضرورة الفهم من الثمانيين مليون مصرى, قبل الهتاف
لكن يا صديقتى يجب ان نطمح للمستحيل اذا اردنا الواقع
تحياتى
مدونة رائعة ومواضيع جميلة ... المواصلة والمتابعة والاضافات الدائمة والتجديد سبيل التميز فى عالم المدونات
عرب بس http://arabbas.blogspot.com
تعليم كمبيوتر تعليم انترنت دين ممتع ثقافة لذيذة برامج هامة للنساء فقط من هو؟ سياسة وصراحة أجهزة حديثة تكنولوجيا غريبة كلام أبكانى وأحيانى شاهد ولن تندم إضحك من قلبك
يااااااااااااه
ماسمعتهاش من زمان وكنت دايما اسمع منها اولها بس
لما قريت كلامها عرفت هما ليه كانوا رافضين يذيعوها
عشان عاوزينا نفضل ف الشرنقة ونفضل لابسين توب الخضوع
الغنوة عاوزانا ننطق وننصر الحق ونمشي ف سكة الأمل اللي يوصلنا للفجر الجديد
وكل ده من الممنوعات
تقبل احترامي وتقديري
希望大家都會非常非常幸福美滿快樂健康美麗更希大家活力無限...........................
希望大家都會非常非常幸福美滿快樂健康美麗更希大家活力無限...........................
إرسال تعليق